محتاج استفسار عن العلاج الطبيعي بالهند

[العزيز]

السلام عليكم اخ جميل
انا مصاب بحادث سيارة من عشرة سنوات والحمد الله الحين بخير بس عندي الحركة شوي ثقيلة وحاب اروح الهند عشان استقدم مدرب علاج طبيعي بس من فين مااعرف؟؟؟واول مرة اروح الهند وحاب انك تدلني من وين وكيف؟؟؟ انت والجميع بالمنتدي والله يجزاك كل خير

[أبو نواف]

السلام عليكم ورحمة الله وبركاته :
أحي العزيز إن شاء الله ما تشوف شر والله يشفيك . أود أن اقترح عليك والأمر لك اترك الهند ومراح الهند
أنا كنت في الهند وبعد حمسة أشهر من العلاج رجع الوجع مرة آخرى وعلاجهم ما هو الإ دهن .
لكن في البوسنة علاج متقدم وأجهزة حديثة ومياه كبرتية وأنا جربت ذلك العلاج والحمد والفضل لله الواحد .
وإذا تبي أى مساعدة أنا في الشوفة , وحياك الله

[khalid492]

يعطيك العافيه اخوي بو نواف
انا حاولت اكتب لك بالخاص بس مايسمحلي لاني عضو جديد
بالنسبه لعلاج البوسنه تقدر توضحلي شلون طريقه العلاج ؟ هل هو علاج طبيعي ؟ وشنو الفرق بينه وبين العلاج في كيرلا ..
انا بصراحه ناوي اروح بس قاعد اقارن بين كيرلا والتشيك .. بس الحين انت تنصح في البوسنه ..
انا مشكلتي فيني الام قويه بالرقبه وديسك ومزعجني ومبهذلني اخر بهذله ..
كل ما اجرب العلاج اهني بالكويت بالمستشفيات الخاصه ارتاح على الجلسات الكهربائيه (المساج) بس من اوقف شوي ويرجع الالم ..
كل الدكاتره يقولون ما تحتاج عمليه .. بس المشكله بالشد العضلي اللي يمنع وصول الدم للرأس من كثر ماهو متشنج .. وانت تدري شكثر هالتشخيص تعبان عندنا اهني وكذلك العلاج الطبيعي ..

ممكن تعطيني معلومات اكثر عن البوسنه سواء اهني او بالخاص ..

والله يجزاك خير ياخوي

[أبو نواف]

السلام عليكم ورحمة الله وبركاته :
أخي العزيز ما تشوف شر إن شاء الله .
أود أن اقترح عليك بدل الهند البوسنة والهرسك والعلاج إن شاء الله ممتاز وأجهزة حديثة وأنا أخوك مجرب الهند والبوسنة , الهند بعد خمس أشهر رجع العوار أكثر من أول لأن العلاج في الهند مرخ بالزيت , لكن في البوسنة في أجهزة وتمارين رياضية وسباحة ومياة كبريتية والجو ماشاء الله , وأنا حاضر للمساعدة .وأنا من الكويت

[khalid492]

اقتباس المشاركة الأصلية كتبت بواسطة أبو نواف السلام عليكم ورحمة الله وبركاته : أخي العزيز ما تشوف شر إن شاء الله . أود أن اقترح عليك بدل الهند البوسنة والهرسك والعلاج إن شاء الله ممتاز وأجهزة حديثة وأنا أخوك مجرب الهند والبوسنة , الهند بعد خمس أشهر رجع العوار أكثر من أول لأن العلاج في الهند مرخ بالزيت , لكن في البوسنة في أجهزة وتمارين رياضية وسباحة ومياة كبريتية والجو ماشاء الله , وأنا حاضر للمساعدة .وأنا من الكويت

هلا والله اخوي بونواف ..

بصراحه كلامك حيل حلو عن البوسنه والهرسك ومشكور جدا للتوضيح ..

بس انا مشكلتي انزلاق غضروفي بسيط .. والظاهر انه ضاغط على العصب لانه اذا حاشني العوار احس بدوخه واشياء غير طبيعيه وصعوبه البلع وضغط بالاذن ..

بس مادري اذا مشكلتي هذا يقدرون يحلونها لي بالبوسنه ؟؟ اخاف يكون العلاج للعصب بس العظم يرجع مع الوقت ..
وهل الانسب لحالتي كيرلا ولا البوسنه ..


الامر الاخر : اخوك يعاني من تقرحات بالمعده والاثني عشر والقولون .. ويقولون انه في كيرلا هذي بعد لها علاج هناك لانه يعالجونها بالاعشاب .. لاني مليت والله من الادويه خمس سنوات وانا ابلع فيها وماكو اي نتيجه كلها مسكنات ..

وفي سؤال ثاني عن كيرلا .. فهمت من كلامك انها ممله .. يعني فيها احد اقدر اسولف وياه بالمصح ؟ ولا راح اقزرها مع الاخوان الهنود .. وهل فيه اماكن اقدر اروح لها ولا من الغرفه لي العلاج وارجع مره ثانيه ..
جذي اطق واموت من الزهقه والضيقه ههههههههههه


والله يا جركم يا اخوان والله على مساعدتكم لاخوانكم

[أبو نواف]

السلام عليكم ورحمة الله وبركاته :
أولا : مرحبا بك إذا نصحوا هنا في الكويت العلاج الطبيعي ما فيه أي مشكلة .
أما بالنسبة للهند أول شيء الأكل أنسي والجو موت والناس ما فيه أحد تتحدث معه إلا أن يرزقك الله بجماعة جايين للعلاج يمكن يهون عليك لأني جربت هذه المسألة الله وحده يعلم صار النوم صديقى أنام أكثر من االمفروض .علاجهم مثل ما عرفت مرج بالزيت .
لكن إذا عندك تقرير في حالتك ويشار فيها إلى العلاج الطبيعي . ممكن تبعثه لي وأنا حاضر .
أما علاج المعدة لا أعلم شيء عن ذلك . وأنت مخير بين الأثنين .حياك الله أخوك أبو نواف

[khalid492]

هلا والله اخوي بونواف ..
انا الحين توني دشيت علاج بالايورفيدك هني بالكويت .. وهي عياده للعلاج الطبيعي .. والمدليكن هنود والدكتور هندي ..
واخذت عندهم امس اول جلسه وقالي علاجك شهر .. سالته شنو الفرق بين كيرلا وهالعلاج ..
قالي انه العلاج في كيرلا داخلي وخارجي : يعني يقصد بالاكل والاعشاب وخارجي بالتدليك ..
طبعا هنيه مافيه اعشاب تنوكل ..

فقط بالزيت والدهن والتدليك وعيادته في الفروانيه ..


بس انت ياخوك ماقلتلي هل البوسنه والهرسك يعالجون الديسك والانزلاق الغضروفي ..

منتظر ردك وانا اخوك وعطني رايك بالموضوع يالغالي

اسأل مجرب ولا تسال طبيب ...
واذا فيه طريقه نتواصل فيها وياك ياريت تبعثلي رقمك بالخاص وانا اتصل عليك .. لانه ما يسمحون لي بالرسائل الخاصه لانه مشاركاتي قليله..

[أبو نواف]

إن شاء الله ابعثلك رقمي بالخاص يكون أحسن .
ادخل في المنتدي قسم الدول الأوروبية وشوف رحلتي العلاجية إلى البوسنة ورقمي موجود هناك .حياك الله .

[الوعد]

أخواني من سافر للهند يفيدني عاجلاً عن كيفية علاج الدسك والمصحات والمستشفيات التي أذهب لها اتمنى يكون فيه تفصيل بالمعلومات أكثر ولويراسلني على الايميل



W1W2W1995@hotmail.com

ومن يعرف أحد بجده يرسل عنوانه شاكر لكم ومقدر

[القانص]

الأخ أبو نواف
تحية طيبة

أنا أعاني من آلام في الظهر والرجل والسبب انزلاق غضروفي

أعتزم السفر إلى الهند إن شاء الله قريباً
آمل منك إرسال إيميل ورقم الدكتور الذي قام بعلاج مريضك

لك جزيل التقدير